Romi Konknni Andolon (RKA) : Chukichem Panvol?! by Pratapananda Naik, S.J.

 

Romi Konknni Andolon (RKA) : Chukichem Panvol?!


Pratapananda Naik, S.J.

 


26 Otubr 2013 




‘Amcho Avaz’ satolleachea som’padokiyant (editorial) Romi Konknni Andolon-a (RKA) vixim zaite dubav ani prosn manddleat. Herank-ui te poddleat astole.

RKA zolmant yeunk zaitim karonnam asat. Gõy Rajbhas Kaideant Nagori vangdda Romi Konknnik-ui soman zago mellunk zay mhonn chollvoll korunk Romi Konknnichea kaim fuddariank mon nam. Mon asa mhonn dakouncho tiatr mat korun dakoytat. ‘Konknni Porjecho Avaz’ (KPA) hachea bavttea khal chollvoll zaun, Gõyant Rajbhaxecho Kaido 1987 vorsa pas zalo. Pas kortanam Nagori lipi Konknnichi odhikrut lipi mhonn tharayli, Moratthik dusro zago dilo ani Romi Konknni bhair dovrli. Romi Konknni vaporchea lokan Rajbhas chollvollik soglleam vattamni tenko dilolo. Gham’ kaddunk Paulu ani foll khaunk Panddu! Hanv KPA chollvollint naslom ani Nagri lipi amkam ekttaim haddtoli hea chintpacho aslom. KPA-nt Romi Konknniche je fuddari asle tannim, Rajbhas Kaido pas zatoch, Rajbhas Kaideak ugtean virod korunk nam vo Rajbhas Kaideant Romi Konknnik bosounk 1987 vorsa fuddarponn gheunk nam!

Romi Konknni vaportolea lokak Nagri lipie kodde haddunk koslim panvlam marunk zay, hem somzun gheunk Thomas Stephens Konknni Kendr-an Mars 1987 vorsa Romi Konknni fuddarianchi ek boska apoyli. Tednam Romi Konknnichea sogllea fuddariamni ekmotan Rajbhas Kaido mandun gheunk nam hem koll’lem. Uprant Romi Konknni samballunk Dalgado Konknni Akademi (DKA) sthapon korchi suchovnni hanvem keli ani 1988 vorsa DKA zolmak aili. Wilson Mazarello DKA-cho pirjent astanam Rajbhas Kaideant Romi Konknnicho aspav korunk amche modle kaim zonn khub vavurleat. Punn zoit mell’lem nam, karonn kaim amdar (MLA) amkam vichartale, “Romik Rajbhas Kaideant zago dilear Morattik-ui voilo zago diunk magnni zatoli. Ti tumkam man’ya asa?” Moratthik voilo zago mellcho nhoy mhonnun ami tondd dhamptaleanv. Pattlea so vorsamni Rajbhas kaideant Romi Konknnik zago mellche khatir koslich chollvoll zaunk nam ani fuddarak-ui chollvoll zatoli mhonn bhorvanso nam. Dekun Wilson Mazarello-chea fuddarponna khal Romi Lipi Action Front–an Gõychea Sorkaracher “Writ Petition” unchlie koddtint (High Court) ghalam. Romi Konknnik Rajbhas Kaideant zago melloun ticher zaloli onit sompounk zay. Dekun, RKA-n chollvoll suru korchi poddli. Romi Konknni, Nagori Konknni poros veglli. Dekun RKA Romi lipie khatir nhoy bogor Romi lipient aschie Romi Konknnik nit mellche khatir vavurtoli.

Rajbhas Kaideant apnnacher zaloli onit sompounk, Moratthi mogiamni-i ‘Marathi Rajbhasha Andolan’-a (MRA) udexim chollvoll suru kelea. Tannim Romi Konknnik Rajbhas Kaideant Moratthi vangdda soman zago mellunk tenko dila. Faleam Rajbhas Kaideant bodol ghoddoytat tednam, Moratthi bhas Rajbhas Kaideant vetoli, ani Romi Konknnichem kitem zatolem? Itlim vorsam Konknni bhas samabllun ami dovorlolie Romi Konknnik Rajbhas Kaideant ghal mhonn sangunk konnuch aschonam. Atam Rajbhas Kaideant fokot Romi Konknni bhitor kaddunk koxich zaunchi nam. Jim konn RKA-chi ttikha kortat, tannim Rajbhas Kaideant Moratthik aslolo dusro zago tosoch samballun, Romi Konknnik Rajbhaxecho dorzo melloun diuncho mhonn RKA tankam zhuzovnnem (challenge) dita. Jivitant divop ghevop asa. Moratthi lok Romi Konknnik Rajbhas Kaideant vochunk tenko dita zalear to kitek gheuncho nhoy? Hem konnachea dolleank topta zalear tannim aple dolle dhamplole bore.

Moratthivaleank patyeunk zainam oxi khubxea Gõychea Kristanv lokachi chukichi somzonni. 1967 vorsa Gõy Maharashtra-nt vhorchem mhonn tednanchea Moratthi pattlavdaramni davo kel’lo, punn to nirfoll zalo. Az kall bodol’la. Novi Moratthi pillgi toyar zalea.Tanche vichar ani chintop vegllem asa. Moratthik Rajbhas Kaideant soman zago zay mhonnpi tim amchinch Gõykar bhav ani bhoinni. Gõycho Hindu lok Konknni uloyta, punn vachunk, borounk, sogllea her mollamni fokot Moratthi vaporta. Moratthi tanchea jivitacho ek bhag zalolean tim Moratthi koxich soddun diunchim nant. Moratthik Rajbhaxecho dorzo mell’lo zalear Gõy Maharashtra-nt vochot hi chukichi bhirant kaim Kristanvank asa. Amche 40 amdar ani 3 khasdar aplea faidea khatir  toxem zaunk kedinch diunche nant.

Eka Rajyak ekuch Rajbhas asta hem chukichem chintop thoddeanchem. Bihar, Uttar Pradesh, Delhi, Assam ani her kaim rajeamni don vo chodd rajbhaso asat. Mhonntoch Gõyant Romi Konknni, Moratthi ani Nagori Konknni rajbhaso korunk zatat ani toxem kelem zalear ho rajbhaxecho vad khoroch somptolo ani soglleank nit melltoli.

RKA-k Romi Konknnichea pattlavdarancho tenko asa vo nam, zaitea zonnank prosn poddla. Zannim konnem RKA-k azun-ui virod korunk nam, tim sogllim RKA-k tenko divpi. RKA ghoddoytanam Romi Konknnichea pattlavdarank visvasant gheunk nam oxem kaim fuddari mhonntat. Punn oslea chintpacho RKA-cher kosloch porinnam’ zainam, kiteak MRA vangdda vochun Romi Konknnik Gõychea Rajbhas Kaideant zago melloun diuncho ho ekuch ud’dex RKA-chea dolleam mukhar spoxtt asa. RKA-n nangrak hat ghalolo asa. Atam pattim polleunk nam. Jim konn RKA-chi tthika kortat, add pãy ditat, tannim kelolem sogllem RKA chollvollik dilolem khann ani pivonn. Tokhannay ani tthika ami ekach mapan ghetanv. Amkam zoitachi lamb vatt cholchi asa. Romi Konknnik Rajbhas Kaideant bhitor kaddcho boro vell atam asa. Hea vellar ami zor zhuzonanv he fuddem oslo vell yeuncho nam ani Romi Konkkni bhair urtoli. Aikunk kan asat tannim aikunchem.                  

 

Comments

Post a Comment

Popular posts from this blog

History of Gangolli church

  GLIMPSE INTO   THE   HISTORY   OF   GANGULI   CHURCH Pratapananda Naik, S.J. Founder of Ganguli Church – Franciscan Friars Venkatappa Nayaka I (1582 – 1629 A.D.), the powerful king of Keladi to whom Ganguli belonged, died on 10 th November 1629. 1 His successor, Virabhadra Nayaka (1629 – 1645), was attacked by the Adil Shah of Bijapur and the other neighbouring kings. Besides the feudatories of Keladi began to revolt and a relative of Virabhadra claimed the throne of Keladi. 2 The Portuguese fully exploited this critical situation. Early in 1630 they took possession of Ganguli. 3 The Portuguese Viceroy, Dom Miguel de Noronha decided to execute the plan to build a fort at Ganguli. 4 The local Chettis (merchant caste) approved the plan under the condition that the Portuguese would defend them against Virabhadra Nayaka. The Portuguese had already acquired Kundapur fort in 1569 from Tolar chiefs. 5 About a century later, due to storm, the entranc...
Read more

Konknni Language: features, Myths, Facts, Hurdles, and Challenges by Pratapananda Naik, S.J.

  KONKNNI LANGUAGE Features, Myths, Facts, Hurdles and Challenges   Pratapananda Naik, S.J. 2016 LANGUAGE FAMILIES IN INDIA:   1.       Indo-Aryan language family: q   The largest of the language families represented in India, in terms of speakers, is the Indo-Aryan language family, a branch of the Indo-Iranian family, itself the subfamily of the Indo-European language family.  q   This language family predominates, accounting for some 790 million speakers, or over 75% of the population, as per data collated during the Census of 2001.  q   The most widely spoken languages of this group are Hindi, Bengali, Marathi, Urdu, Gujarati, Oriya, Punjabi, Kashmiri, Assamese, Sindhi, Dogri.   2.       Dravidian language family: q   The second largest language family is the Dravidian language family, accounting for some 215 million speakers, or approximately 20%, as ...
Read more

Y Letracho Vapor Kiteak? by Pratapananda Naik, S.J.

  Y Letracho Vapor Kiteak? Pratapananda Naik S.J.   Vikaxit zalole khoinche-i bhaxent tichi borounchi promann rite eka disant toyar zaunk nam. Ti rit promann zaunk vorsam lagleant ani zaiteancho vavr tiche pattlean asa. Romi lipient Konknni borounchi rit ek nasli ani atam-I nam. Sollavea sotravea xenkddeant ti eke torechi asli. Tednam K letracho vapour zatalo. Visavea xenkddeant Romi lipient Konknni boroytanam K -chea zagear c letr vaprunk suru kelem. Dekik: cabar, caddi, cagot, callem, cator. Atam ami K letr vaportanv.           Konknnint Y dhovni (speech sound) asa. To uchar ( pronunciation ) dakounk Fr. Sebestião R. Dalgado sogllech kodden Y letr vaportalo. Hi tachi rit tachea kallar ani uprant Romi lipient Konknni boroytanam vaporloli zalear Konknni bhas xiktoleank khub faido zato aslo. Y vaporchea bodla i vo e letrancho vapor chalu urlo. Romi lipient Konknni bhaxeche uchar sarke borounk yenant oxem zaiteanchem c...
Read more