Y Letracho Vapor Kiteak? by Pratapananda Naik, S.J.

 

Y Letracho Vapor Kiteak?


Pratapananda Naik S.J.


 


Vikaxit zalole khoinche-i bhaxent tichi borounchi promann rite eka disant toyar zaunk nam. Ti rit promann zaunk vorsam lagleant ani zaiteancho vavr tiche pattlean asa. Romi lipient Konknni borounchi rit ek nasli ani atam-I nam. Sollavea sotravea xenkddeant ti eke torechi asli. Tednam K letracho vapour zatalo. Visavea xenkddeant Romi lipient Konknni boroytanam K-chea zagear c letr vaprunk suru kelem. Dekik: cabar, caddi, cagot, callem, cator. Atam ami K letr vaportanv.

          Konknnint Y dhovni (speech sound) asa. To uchar (pronunciation) dakounk Fr. Sebestião R. Dalgado sogllech kodden Y letr vaportalo. Hi tachi rit tachea kallar ani uprant Romi lipient Konknni boroytanam vaporloli zalear Konknni bhas xiktoleank khub faido zato aslo. Y vaporchea bodla i vo e letrancho vapor chalu urlo. Romi lipient Konknni bhaxeche uchar sarke borounk yenant oxem zaiteanchem chintop asa. Tantum thoddem sot asa. Punn ti oddchonn Konknni borounk vaporcheam her lipiank soit asa. Y letr vaporlem zalear Konknnintlo Y dhovni, uchar korunk sompeponn mellta, dekun tem vaprunk suru kelam. Hem vachpiamni motint gheunchem. Khoincho-i bodol survatek boro lagonam. Sovoy zatoch koslich addkholl zainam.

          Y letracho vapor korchi rit: Utrache survatek y dhvoni aslear y letr vaporchem. Dekik: yevzonn, yennem, yemkondd, yad, yevpi, yezman, yevop, ye, yo, yeunk, yeta, yetalim, yetolo, yevzunk, yedoll, yuvok, yennavoll, yetam. Mull utrachea xevottak y dhvoni aslear y letr vaporchem. Dekik: gay, say, avoy, muy, kholay, Gõy, bapuy, movallay, sobitkay, vay, pisay, govay, thovoy, ghay, pay, zanvoy, mãy, boroy, lay, vhoy, nhoy, roddoy, nachoy, zay, uddoy, pãy, zoy, sovay, uloy, suttoy, nhõy, dhõy, bãy, kay. Addvad (exception):  zoim, khoim, thoim, kaim, bhuim.

          Utrachea modem y dhvoni aslear y letr vaporchem. Dekik: jiyeunk, piye, piyeunk, bhiye, bhiyeunk, piyetanam, muyeta, nakyo, tutyo, viyeta, biyo.     

          Utrachea modem tin vo chear svor ektthaim  ailear y vaporchem. Dekik: muyen, doya, doyen, avoyo, boroyat, khayat, muyeta, gheyat, movallayen, gayek, yeyat, piyeyat, doyall, uloyat,       layat, bhiyeyat.

          Her bhasantlim utram vaporlim zalear, aqni tantum Y dhvoni aslear, y vaporchem. Dekik: Sahitya, saman’ya, yogya, podya, godya, karya, vidya, man’ya, bhagya, rajya, odhyokx, sadhya, man’yatay.

          Veginch zoim Y uchar asa thoim Y letr vaporche dis Romi lipient Konknni boroytanam yetole ani bhurgeank Konknni xikunk sompeponn melltolem. Dekik: amchya, tichya, voylyan, konnachya, ghoddyak, ambyak, fuddlyan, dhanvlyar, festachya, zalyar, borovpyak, aplya, dhanvlolya.

Comments

Post a Comment

Popular posts from this blog

History of Gangolli church

  GLIMPSE INTO   THE   HISTORY   OF   GANGULI   CHURCH Pratapananda Naik, S.J. Founder of Ganguli Church – Franciscan Friars Venkatappa Nayaka I (1582 – 1629 A.D.), the powerful king of Keladi to whom Ganguli belonged, died on 10 th November 1629. 1 His successor, Virabhadra Nayaka (1629 – 1645), was attacked by the Adil Shah of Bijapur and the other neighbouring kings. Besides the feudatories of Keladi began to revolt and a relative of Virabhadra claimed the throne of Keladi. 2 The Portuguese fully exploited this critical situation. Early in 1630 they took possession of Ganguli. 3 The Portuguese Viceroy, Dom Miguel de Noronha decided to execute the plan to build a fort at Ganguli. 4 The local Chettis (merchant caste) approved the plan under the condition that the Portuguese would defend them against Virabhadra Nayaka. The Portuguese had already acquired Kundapur fort in 1569 from Tolar chiefs. 5 About a century later, due to storm, the entranc...
Read more

Konknni Language: features, Myths, Facts, Hurdles, and Challenges by Pratapananda Naik, S.J.

  KONKNNI LANGUAGE Features, Myths, Facts, Hurdles and Challenges   Pratapananda Naik, S.J. 2016 LANGUAGE FAMILIES IN INDIA:   1.       Indo-Aryan language family: q   The largest of the language families represented in India, in terms of speakers, is the Indo-Aryan language family, a branch of the Indo-Iranian family, itself the subfamily of the Indo-European language family.  q   This language family predominates, accounting for some 790 million speakers, or over 75% of the population, as per data collated during the Census of 2001.  q   The most widely spoken languages of this group are Hindi, Bengali, Marathi, Urdu, Gujarati, Oriya, Punjabi, Kashmiri, Assamese, Sindhi, Dogri.   2.       Dravidian language family: q   The second largest language family is the Dravidian language family, accounting for some 215 million speakers, or approximately 20%, as ...
Read more