Radio Talk: Devachi bhokti ani mon'xanchi priti: Eka nanneachio don kuxi by Pratapananda Naik, S.J.

 

 Devachi bhokti ani mon'xanchi priti: Eka nanneachio don kuxi


Pratapananda Naik, s.j.



Hea sonvsarant ami ekeklim jiyeunk sokonanv. Dor khinnak amkam her mon'xancho sangat, adar ani sohokar gorjecho. Khorem sangchem zalear mon'xam modem somudayant jiyetanam ami monis zatanv. Amche thoim mon'xaponn kirlata ani tem vaddta. Xem'bor vorsam adim amchim mhalgoddim ganvamni ravtalim. Ganvamni ravun xetachim ani her kamam kortanam ekamekacho adar ani sohokar tankam zay poddtalo. Ganvant zavpi festam porbank, kazarank ani lognank, zolmak, mornnak ani her khoinchea-i suvalleak ganvche vo vaddeache lok ekttaim yetale. Ekamekak adar ditale. Sohokari ani ekvottache somudayik pod'dotin jivit choltalem. Dor ek monis somudayacho ghottok aslo. Tachem apleponn vo osmitay somudaya thaun zatali. Xikop ani poixe unne asle tor-ui mog, ekvott ani ekamekacho husko boll aslo. Somudayache nem' moddloleank kheast zatali. Dha zonnamni dilolo nirnnoy manun gheuncho poddtalo. Hea somajik jivitant kaim unnav asle, punn thiray ani rakonn chodd asli. Hanv tumcho, tumchi. Tumi mhojim. Ami soglleanchim, ami ek, hem chintop uttun distalem.

Jednam amchim mhalgoddim ganv ani ganvantlo aplo vavr soddun xarant ravunk laglim ani nokori korunk laglim tanchem jivit bodol'lem. Tankam lagun amchem-i jivit bodol'lem ani somudayik jivit vochun hanv, mhojem jivit, mhojem kuttumb hem oxir chintop boll zalem. Ami dis vetam vetam amcheach sonvsarchem chintunk lagleanv. Haka lagun svarth amchea jivitant bhitor rigla. Hanv mhaka, tum tuka, Dev mat soglleank hem chintop ailam. Herancho husko, kallji, ekameka khatir vell diuncho, heranchem borem chintchem, ulounchem, herank borem korchem, ekameka thoim somjikay dakounchi, amche prosn amcheach somudaya bhitor mittoun gheunche hem sorv unnem zaunk laglam. Hacho porinnam' amchea jivitacher ani chalicher zaunk lagla. Xezariam lagim som'bon'd unno zala. Haka lagun tanchi lhanxi chuk legun amkam vhoddli koxi disunk lagta. Divop ghevop unnem zalolean mhaka heranchi goroz nam. Poixe dilear sogllem mellta. Heranchea adara vinnem ami dis sarunk soktanv hea chukichea chintpant ami jiyeunk lagleanv. Dor eka mollar sort vaddlea. Dusreank pattim ghalun, kitem-i korun, koxem-i korun hanvem voir sorunk zay, zoit zoddunk zay, hem kortanam dusreanchem luksann zalear soit upkarta vo khoinchi-i vankddi vatt apnnailear zata hea ghatmari zallant ami sampoddleanv. Sogllim hench kortat, ami kelear kitem chukta oslem vankddem chintop ani ulovp amkam atam sodanchem zalam. Borem kitem, vait kitem, sarkem khoinchem, chukichem khoinchem hachi zanniv az amkam adle bhaxen urunk nam.  Mon'xak fokot kudd nam, taka kalliz, mot, ani atmo asa. Hanche modem 'balance', somotol dovrunk zay he vichar amche motint yenant. Heam soglleancho vaitt porinnam' zaun ami az amchea somazant eksurim zaunk lagleanv. Amche bhitor tann vaddunk lagla.  Az amche lagim xikop, poixe, suvidha ani her sogllem asun soit mon'xaponn unnem zaunk laglam. Amcho svarth hisba bhair vaddunk lagla. Amchem jivit oddechem zaunk laglam. Ami rupddim ghalun jiyetanv.

Hea ghatmari zallantlean ami amchich suttka korun gheunchi goroz asa. Hea sonvsarant ami kiteak asanv? Amchea jivitacho ud'dex kitem? Oslea gom'bhir prosnancher vichar korunk ami vell divop gorjecho. Ami fokot amchech khatir hea sonvsarant nanv. Ami heram khatir-ui jiyeunk asa. Hem amchem misanv, ho amcho dhyey hem sot somzun ghetlear ani manun ghetlear jivita kodden polleunchi amchi nodor ani jivit jogpachi rit bodolta.

Dolleank disonam tea Deva pasot kitem-i korunk ami toyar asanv. Taka sodun ami dokhinne thaun ut'torek, ostomte thaun udentek vochunk toyar asanv. Devak ghoram bandunk ami kotteamni duddu moddunk toyar asanv. Punn dolleank distat team amcheam dublleam bhavam bhoinnink adar diunk, tanchem jivit sukhi korunk ami patti sortanv. Dev amche bhitoruch asa, amche bhonvari to asa hem sot visrun, taka sodun ami sonvsarbhor bhonvtanv. Devak amchim fulam, follam, dan, mennvati, uzvati, upas, yatra, zatra, angvonno, bhetto hanchi gorozuch nam. Devachi murti bhangaran vo rupean nettounk ami poilim. Jem kitem ami dublleam khatir kortanv tem Devak pavta hem manunk ami toyar asanv? Jivont Devak ami fatramni bandloleam bandpamni sodunk vetanv. Mon'xachi seva hich Devachi khori bhokti hem ami visortanv. Devachi bhokti ani mon'xachi priti hio don-ui gozali ekach nanneachio don kuxi. Zaka mon'xancho mog, husko nam tannem apunn Devachi bhokti korta mhonn sanglear tem fottingponn nhoy zalear ani kitem asum yeta? Vidhi korop ani tantunch ghuspun urop hoch amcho dhorm zala. Dhormacho khoro orth amkam somzunk nam. Amkam vidhavanche suskar, onathanche vilap, bailanche hal hoval, niraxritanchem roddnnem ani dukh, dubllea lokanchem magnnem ani bhuk, vexeanchi jinni ani tanchi durdoxa, bekar asloleanchi niraxa, vaitt sovoyank bolli poddloleanchi kotha ani bhurgeam kamgaranchi vyotha lagta vhoy? Hem zor amkam lagonam tor ami Devachim bhoktam koxim mhonnum yeta?  Dusreank soza diun vo dusrim soza bhogtanam add nodor korun Devachi puza korun ami amkanch fottoytanv.

Dusreank adar korunk mhoje lagim duddu nant zatit. Dusreank godd diunk duddu lagtat, punn godd utram ulounk poixeanchi goroz asa? Amcho vell heram khatir diunk, tankam bori vatt dakounk, dusreanchea dukhant vantto gheunk, umed ani dhir vaddovpi utram ulounk, dukhestank bhuzvonn diunk, piddestank bhett diunk, hanso diunk, dusreanchem borem chintunk, ulounk ani borem korunk duddvanchi goroz nam. Heram khatir lhan lhan gozalimni ami zaitem borem korunk zata. Hantlean amchem jivit folladik ani orthabhorit zata.

'Mahtama Gandhiji', 'Mother Teresa', 'Baba Amte' "Martin Luther King' ani sonvsarar her kitlixinch mon'xam heranchi nisvarthi seva korun mhan zaleant. Khub zonnamni aplo jiv risker vo sonkttant ghalun herancho jiv vattaylolo asa. Hanchie modli Irena Sendler hi osturi ekli. Irena Poland desantli ekli katolik osturi. Dusrea mha-zhuza vellar tinnem guptim sumar 2500 Zudev bhurgeank Nazi mornnachea kempantlim bhair kaddlim ani tankam fottkirim vollok potram diun mornnachea chopkeantlim vattaylim. Team bhurgeank tinnem Polandantlea Katolikanger, konvetamni, igorzamni ani onath axromamni lipoylim. Hi seva kortanam xevttim Nazi soinikamni tika dhorli, vollvollayli ani mornnachi xikxa dika formayli. Punn tinnem aplie xikxentli apli suttka korun ghetli. 2008 vorsa 98 vorsanchie pirayer Irena ontorli. Heram khatir ami kitem korum yeta hachi bori dek amkam Irena-chea jivitant mellta. Hanvem heram khatir kitem kelam? Hanv heram khatir kitem kortam? Heram khatir hanvem kitem korunk chintlam? He tin prosn az ami amkanch vicharunk zay ani tanchi zap ami amkanch diunk zay.

Sallok chiklant zolmata, punn udkacher fulta, sobta ani pormollta. Mennachi vat zollta. Zolltam zolltam apunn lhan zaun veta, punn aplie bhonvari uzvadd dita. Suria aplo uzvadd dhampun dovrinam. Godd apli goddsann herank dita. Mon'zati aplem dud apunn piyenant, tem apleam pilank ditat. Ruk zhaddam apnnam khatir fulam, follam dinant. Jednam ami heram khatir jiyetanv ani vavurtanv tednam amchench jivit fulta, follta ani sobta. Orthabhorit jivit jiyeuncho ho gutt ami apnnaum-ia ani herank sukhi korun ami-i sukhest zaum-ia. Zat, rong, dhorm, votthar, ling, bhas pollenastanm dolleank dispi mon'xancher keloli nisvarthi sevechi priti, hich Devachi khori bhokti.

 

Comments

Post a Comment

Popular posts from this blog

History of Gangolli church

  GLIMPSE INTO   THE   HISTORY   OF   GANGULI   CHURCH Pratapananda Naik, S.J. Founder of Ganguli Church – Franciscan Friars Venkatappa Nayaka I (1582 – 1629 A.D.), the powerful king of Keladi to whom Ganguli belonged, died on 10 th November 1629. 1 His successor, Virabhadra Nayaka (1629 – 1645), was attacked by the Adil Shah of Bijapur and the other neighbouring kings. Besides the feudatories of Keladi began to revolt and a relative of Virabhadra claimed the throne of Keladi. 2 The Portuguese fully exploited this critical situation. Early in 1630 they took possession of Ganguli. 3 The Portuguese Viceroy, Dom Miguel de Noronha decided to execute the plan to build a fort at Ganguli. 4 The local Chettis (merchant caste) approved the plan under the condition that the Portuguese would defend them against Virabhadra Nayaka. The Portuguese had already acquired Kundapur fort in 1569 from Tolar chiefs. 5 About a century later, due to storm, the entranc...
Read more

Konknni Language: features, Myths, Facts, Hurdles, and Challenges by Pratapananda Naik, S.J.

  KONKNNI LANGUAGE Features, Myths, Facts, Hurdles and Challenges   Pratapananda Naik, S.J. 2016 LANGUAGE FAMILIES IN INDIA:   1.       Indo-Aryan language family: q   The largest of the language families represented in India, in terms of speakers, is the Indo-Aryan language family, a branch of the Indo-Iranian family, itself the subfamily of the Indo-European language family.  q   This language family predominates, accounting for some 790 million speakers, or over 75% of the population, as per data collated during the Census of 2001.  q   The most widely spoken languages of this group are Hindi, Bengali, Marathi, Urdu, Gujarati, Oriya, Punjabi, Kashmiri, Assamese, Sindhi, Dogri.   2.       Dravidian language family: q   The second largest language family is the Dravidian language family, accounting for some 215 million speakers, or approximately 20%, as ...
Read more

Y Letracho Vapor Kiteak? by Pratapananda Naik, S.J.

  Y Letracho Vapor Kiteak? Pratapananda Naik S.J.   Vikaxit zalole khoinche-i bhaxent tichi borounchi promann rite eka disant toyar zaunk nam. Ti rit promann zaunk vorsam lagleant ani zaiteancho vavr tiche pattlean asa. Romi lipient Konknni borounchi rit ek nasli ani atam-I nam. Sollavea sotravea xenkddeant ti eke torechi asli. Tednam K letracho vapour zatalo. Visavea xenkddeant Romi lipient Konknni boroytanam K -chea zagear c letr vaprunk suru kelem. Dekik: cabar, caddi, cagot, callem, cator. Atam ami K letr vaportanv.           Konknnint Y dhovni (speech sound) asa. To uchar ( pronunciation ) dakounk Fr. Sebestião R. Dalgado sogllech kodden Y letr vaportalo. Hi tachi rit tachea kallar ani uprant Romi lipient Konknni boroytanam vaporloli zalear Konknni bhas xiktoleank khub faido zato aslo. Y vaporchea bodla i vo e letrancho vapor chalu urlo. Romi lipient Konknni bhaxeche uchar sarke borounk yenant oxem zaiteanchem c...
Read more