Avoybhas ani Osmitay by Pratapananda Naik, S.J.

 

Avoybhas ani Osmitay


Pratapananda Naik, S.J.

 



Bhas mon’xak monzati pasun veglli korta. Mon’zat uloynam, ti moni. Dekun moni zat, mon’zat zata. Sonvskruti (Culture) nasloloim mon’xam amkam polleunk mellonant. Mon’xachi bhas, chali, rit rivaz, khann, jevonn, pivonn, nhesonn,  chintpachi ani vagnnukechi chal, festam, achar-vichar, ghoram bandchi rit, kam’, hotiaram, vaporchio vostu, lok Sahitya (kannio, gitam, mhonni, humannim, vopari, adi), nach, ani mon’xachea jivitak som’bon’d zalole sorv vixoy ani vostu sonvskrutecho vantto zatat. Hanche bhitor avoybhas, sonvskrutecho mukhel bhag. Ji bhas bhurgem poilem ulounk xikta, tika avoybhas mhonntat. Avoybhas, mon’xachem mukhlem jivit ghoddoyta.

 

Nanv, ganv, vaddo, famil, xikop, kam’, gunn ani her kaim vixoyantlean eka mon’xachi vollok ami dhortanv. Punn avoybhas mon’xak osmitay (identity) vo apleponn dita.  Bharotant mon’xachi vollok vo osmitay tache avoybhaxe voilean zata. Dekik, Bongalli ulovpi Bongalli, Gujrati ulovpi Gujarati, Sindhi ulovpi Sindhi, Telugu ulovpi Telugu. Hi gozal ami sot manunk toyar asanv, tor Konknni ulovpi ami konn? Ami Konknni (Konknni mon’xam). Gõykar, Mongllurkar, Bellganvkar, adi amchi poili osmitay nhoy. Ti fokot amchea vottharachi osmitay. Jednam ami amkam Gõykar mhonntanv tednam amchi khori osmitay kollonam, kiteak Purtugez ulovpi, Moratthi ulovpi, Inglez ulovpi apnnakuch Gõykar mhonntat! Votthara velean ami amchi vollok korun diunk gelear faleam ami Gõycheam mon’zatink soit Gõycho dukor, Gõycho reddo vo paddo, Gõychi gay, Gõychem sunnem, Gõychem mazor oxem pacharchem poddtolem! Gõy nanvachi ek bhas asli zalear ami amkam Gõykar mhonn pacharum yetalem.  Punn amchi bhas Konknni, dekun ami Konknni.

 

Konkonn rajya aslem zalear, tea rajyachi bhas Konknni asti asli ani ami amkam Konknni heach nanvan pachartoleanv asleanv. Konknni mon’xam thoim unneponnachem chintop (inferiority complex) asa. Ami her bhaso ulounk, xikunk sodam toyar asanv. Punn amchich avoybhas ulounk amkam loz dista. Bazarant Kristanv baylo bhaji vo her vostu ghetanam Hindi ulounk toyar asat, punn Gõyam bhailea vepariam lagim Konknni ulounchim nant! Haka kaim itihasik ani somajik karonnam asat. Dekik Gõyant Konknni bhas renderanchi, poderanchi, kuzneranchi, thovoyanchi, kharvianchi, Hindu lokachi ani somazant pattim urololea lokachi hem chukichem chintop khol romblam. Punn ami mon kelear amchem hem chukichem chintop bodlunk zata.

 

Tamill monis, Tamill mon’xa lagim Tamill bhasuch uloyta. Ami Konkni mon’xam lagim, Konknnich uloyli zalear amchem chukichem chintop unnem zatolem. Gõyant Kristanv lok apli zat lipounk Konknni uloynant. Kharviachea ghoranneant mhozo zolm zala zalear, hanvem tantum lhanponn manun gheunchi goroz nam, ulltench zalear hanv “doryacho raza, doryachi ranni” oxem chintunk zay. Render maddancho kunvor, kuzner kuznacho bhattkar, poder unddeancho patranv, thovoy moderacho kolakar, xetkar bhunyecho dhoni oslem chintop amchem modem yeunchi goroz asa. Dusrim amche vixim kitem-i mhonnum, ami amkanch lhan korun gheunchi goroz nam. Eka utran amchem chintop bodlun gheunchi kallachi goroz.

 

Mon’zati apli sor (comparison) her monzati lagim korinant. Haka lagun tim sodanch sukhi ani tanchi chal soimbik. Kavllo kiracho rong polleun apnnak unno lekinam. Kirak aplo rong boro lagta, kavllo aplo rong polleun dhadoxi zata. Rostear hoti vetanam, muy hotik polleunk aplo vavr thambounchi nam. Muyek hotichem poddlolem nam. Muy aplem muyechem jivit jiyeunk lojenam. Mon’zati sor korinastanam, aplea soimba pormannem jiyetat, dekun tio sodanch khuxal jiyetat.

 

Mon’xak Devan chintunk ani, ulounk dennem dilam. Hacho boro upeg mon’xan kelo zalear monis apleponn samballun jiyeunk sokta. Apleponn samballunk mon’xak avoybhaxechi ani sonvskrutechi goroz. Ami Konknni mon’xam. Ami Konknni soddun Inglez kitli-i bori uloylear soit Inglez mon’xam amkam aplim mhonnun manun gheunchim nant. Tanche nodren ami bhailim. Amchem apleponn vo osmitay amche matie and bhaxe lagim zoddun asa. Konknni vinnem amchi khori ani khaxeli osmitay aschi nam. Amchea bhurgeanchem xikop vivid karonnank lagun Inglez madhyomant fuddem gelear zata. Punn amcheam iskolamni Konknni ek vixoy mhonnun Romi vo Nagri lipiamni xikchi goroz. Amcheam ghoramni, Konknni mon’xam lagim, dhormik karyamni, kazaram ani her somajik karyamni ami Konknnich vaporli zalear amchi osmitay urtoli ani ti vaddtoli.

 

(Ho lekh 2 Mars 2013 tarker Amcho Avaz satolleacher chhapun aila)

Comments

Post a Comment

Popular posts from this blog

History of Gangolli church

  GLIMPSE INTO   THE   HISTORY   OF   GANGULI   CHURCH Pratapananda Naik, S.J. Founder of Ganguli Church – Franciscan Friars Venkatappa Nayaka I (1582 – 1629 A.D.), the powerful king of Keladi to whom Ganguli belonged, died on 10 th November 1629. 1 His successor, Virabhadra Nayaka (1629 – 1645), was attacked by the Adil Shah of Bijapur and the other neighbouring kings. Besides the feudatories of Keladi began to revolt and a relative of Virabhadra claimed the throne of Keladi. 2 The Portuguese fully exploited this critical situation. Early in 1630 they took possession of Ganguli. 3 The Portuguese Viceroy, Dom Miguel de Noronha decided to execute the plan to build a fort at Ganguli. 4 The local Chettis (merchant caste) approved the plan under the condition that the Portuguese would defend them against Virabhadra Nayaka. The Portuguese had already acquired Kundapur fort in 1569 from Tolar chiefs. 5 About a century later, due to storm, the entranc...
Read more

Konknni Language: features, Myths, Facts, Hurdles, and Challenges by Pratapananda Naik, S.J.

  KONKNNI LANGUAGE Features, Myths, Facts, Hurdles and Challenges   Pratapananda Naik, S.J. 2016 LANGUAGE FAMILIES IN INDIA:   1.       Indo-Aryan language family: q   The largest of the language families represented in India, in terms of speakers, is the Indo-Aryan language family, a branch of the Indo-Iranian family, itself the subfamily of the Indo-European language family.  q   This language family predominates, accounting for some 790 million speakers, or over 75% of the population, as per data collated during the Census of 2001.  q   The most widely spoken languages of this group are Hindi, Bengali, Marathi, Urdu, Gujarati, Oriya, Punjabi, Kashmiri, Assamese, Sindhi, Dogri.   2.       Dravidian language family: q   The second largest language family is the Dravidian language family, accounting for some 215 million speakers, or approximately 20%, as ...
Read more

Y Letracho Vapor Kiteak? by Pratapananda Naik, S.J.

  Y Letracho Vapor Kiteak? Pratapananda Naik S.J.   Vikaxit zalole khoinche-i bhaxent tichi borounchi promann rite eka disant toyar zaunk nam. Ti rit promann zaunk vorsam lagleant ani zaiteancho vavr tiche pattlean asa. Romi lipient Konknni borounchi rit ek nasli ani atam-I nam. Sollavea sotravea xenkddeant ti eke torechi asli. Tednam K letracho vapour zatalo. Visavea xenkddeant Romi lipient Konknni boroytanam K -chea zagear c letr vaprunk suru kelem. Dekik: cabar, caddi, cagot, callem, cator. Atam ami K letr vaportanv.           Konknnint Y dhovni (speech sound) asa. To uchar ( pronunciation ) dakounk Fr. Sebestião R. Dalgado sogllech kodden Y letr vaportalo. Hi tachi rit tachea kallar ani uprant Romi lipient Konknni boroytanam vaporloli zalear Konknni bhas xiktoleank khub faido zato aslo. Y vaporchea bodla i vo e letrancho vapor chalu urlo. Romi lipient Konknni bhaxeche uchar sarke borounk yenant oxem zaiteanchem c...
Read more